منتدى شبكة الدراز الشاملة منتدى شبكة الدراز الشاملة ››› المنتديات العامة ››› البـــــــراحة ›››

اتركيني ما دمت خائنًا
  الموضوع السابق   الموضوع التالي أضف ردا على هذا الموضوع
الكاتب
الموضوع   

hawra almosawi
عضو يديد

تاريخ التسجيل: Aug 2013
رقم العضوية: 39448
البلد:
عدد المشاركات: 2
معدل المشاركات/يوم: 0.00
اتركيني ما دمت خائنًا

العنوان : اتركيني ما دمت خائنًا





ﻛﻠﻨﺂ ﻧﻌﺂﻧﻲ ﻣﻦﺣﺐ ﺑﻶ ﻧﺼﻴﺐ ﻭﻗﺪﺭ ﻟﻦ ﻳﺠﻤﻌﻨﺎ! ﻭﺑﺎﻟﻐﺂﻟﺐ ﺗﻨﺘﻬﻲ ﻋﻶﻗﺎﺗﻨﺎ ﺑﻨﻔﺲ ﺍﻟﻌﻨﻮﺍﻥ ' ﺃﺣﺒﻚ ﻭﺃﻋﻠﻢ ﺃﻧﻚﻟﻦ ﺗﻜﻮﻥ ﻳﻮﻣﺂ ﻟﻲ'





ذات يوم ...
فتحت سارة الفيسبوك وضلت تتصفح في الصفحات وقروبات وعجبها قروب وصارت على طول تشارك فيه وصادقت بنات من القروب وامنتهم اسرارها
بس للاسف..
انتشرت اسرارها وحطو فيها جذب من عندهم وشوهو سمعتها وصار الكل يكرهها، كلمها صبي من القروب اسمه حسين وحب يتأكد من الكلام


حسين: صدق الكلام الي في قروب عنش!! انا ما صدقت لانش واجد محترمة وماتطلع منش هالسوالف وحبيت اتاكد بلسانش
سارة: لا كل شي جذب اني ماسوي جدي، مادري ليش طلعو علي كلام جدي، كانو اصدقائي ودائما يكلموني
حسين: دامهم اصدقائش ليش سوا فيش جدي!!
سارة: مادري بس اني تعبت واجد، ماعندي اصدقاء والكل تركني بسبب هالكلام إلي انتشر
حسين: اممم ماعليه خيو ... انا بدافع عنش وبحاول ارجعهم اصدقائش
سارة: لالا تكفى مابي تصير لك مشاكل بسببي ولا امبيهم اصدقائي
حسين: بس مارضى يآذونش وانتين بريئه
سارة: الله كريم
حسين: اعتبريني اخوش الكبير ولين تضايقين كلميني
سارة: ان شاء الله
حسين: جم عمرش ؟
سارة: 16 وانت ؟
حسين: العمر كله ، 18


و مرت الأيام ..........
و صارت سارة كل يوم تكلم حسين وتسولف وياه وتشكي ليه همومها ومعاناتها ويا صديقاتها، ومرة كانت تكلمه في الليل وتعبت وراحت تنام ونست مابندت الفيسبوك!!
و جه الصبح ......
قعدت من النوم وتسبحت وراحت الصالة عشان تقعد على الابتوب وشافت اخوها ماسك اللابتوب ويطالعها!!


محمود (اخو سارة اهاا قعدت العاشقه الولهانه من النوم
سارة بصدمة: وي!!
محمود: وتسوين روحش ماتدرين بعد!! تعالي شوفي هالمحادثة!!
راحت سارة صوبها وارجولها ترتجف: لاااا انت فهمت السالفه غلط
وقفت محمود بعصبية وعطاها سطار: شوفي من يربيش!! عبالش ابوي مات يعني عادي تكلمين صبيان وتعيشين بـ حرية!!
سارة وهي تصيح من الألم: اني ماكلمت صبيان انت فهمت غلطت صدقني، اعطيني فرصة اوضح لك
محمود: جججججبببب !! مطيحه المياعه ويا الصبيان و لش وجه تتكلمين بعد !!
جت ام سارة (كبيرة عمرها 50-55) : ويش صاااااير يا اولادي شفيكم تصارخون اصواتكم توصل لبرا
محمود: شوفي بتش فليلة الحياء ماتحس بتعب تريبتش عليها وقامت تتمايع ويا الصبيان
سارة بصياح: والله فاهم السالفه غلط والله هذا مو حبيبي
اخذ محمود لابتوب وخشاه ف حجره
راحت ام سارة صوب بتها: بتي فهميني السالفه انتين ويش مسويه عشان اخوش يعصب جدي
سارة: اماه في بنات مشوهين سمعتي وهالصبي دافع عني وصرت اكلمه واعتبره مثل اخوي وسوالفنا عاديه مافيها شي غلط والله
ام سارة: سمعي يا بتي ... انت سويت شي غلط لانش قمتين كل يوم تكلمينه ،، بس اخوش مكبر السالفه واجد ، اني بروح اتفاهم وياه بس بشرط
سارة: ويش هو الشرط؟
ام سارة: توعديني انش ماتكلمين هالصبي مرة ثانيه
سارة: ان شاء الله مابكلمه اوعدش
وراحت الام تحاول تقنع محمود انه سارة ماتستاهل كل هذا على سبب صغير جدي وهي مابتعيد الغلطه


وهل حافظت على هذا الوعد ؟ أم أخلفته ؟!!




عطاها اخوها الابتوب وتذكرت انها وعدت امها ماتكلم حسين وصارت كل ما حسين يكلمها تحقره
لين مر اسبوع وماتحملت وكلمته.. !


سارة: حسين وحشتني!!
حسين: وين كنتين طول هالمدة! ليس ماتكلميني! اكلمش وتحقريني! وتحطين بي سي واعلق وتحقريني بعد! شمسوي لش!
سارة: حسين والله مو متعمده احقرك.. اخوي شاف محادثة وياك وهاوشني وضربني واني وعدت امي ماكلمك بس ماتحملت و اخلفت الوعد عشانك بس.....
حسين: امممممم مادري شقول بس اسف لانه فكرتش تحقريني وشكرا لانش اخلفتين الوعد عشاني


وبعد اشهر...


سارة: حسين باجر امتحان منتصف في العلوم
حسين: بالتوفيق
سارة: لاكن احس روحي مو حافظه ولا فاهمه شي
حسين: صوري إلي مو فاهمتنه وبفهمش
سارة: لحظه..
وصورت وطرشت ليه..
حسين: ماعرف اشرح اهني، اتصلي لي وبفهمش إياه
سارة: اوكي
حسين: هذا رقمي 33*****


بعد جم اسبوع....!


سارة: حسسييين تدري جم جبت في العلوم!!
حسين: بشري
سارة: 18 من 20
حسين: اووه شاطرة عمري
سارة: عمري ؟
حسين: وحياتي بعد
سارة غيرت الموضوع لانها استحت: شكرا بدونك جان جبت اقل من الـ 18


في الامتحانات النهائيه....


تغيرت سارة كثيرا... وصارت من الصبح لليل تكلم حسين ولاتهتم لدراستها


حسين: قومي راجعي ترا بزعل!!
سارة: اوف حسين قلت لك اعرف كل شي مايحتاج اراجع
حسين: سارة عشاني قومي راجعي
سارة: تمبي الفكة مني هاا ؟
حسين: ما اقصد جدي عمري بس امبيش تصيرين متفوقه
سارة: بتفوق بدون مراجعه


بعد الامتحانات النهائية...


اخذت الشهادة وقامت تصيح راحت كلمت حسين بعصبية
سارة: اصلا انت سبب رسوبي
حسين: رسوب ويش!!
سارة: اخذت الشهاده وطلعت راسبه
حسين: انا اقول لش قومي راجعي ماترضين!!
سارة: لا تششلخ كلششي بسببك انت دمررت حياتي ومشاكلي كلها منك
و سوت ليه بلوك !!!


هل ستقوى فراقه!! الشخص الذي ساعدها واهتم لجروحها كيف لها ان تتركه وبكل بساطة!!


مر شهرين...


ضلت سارة مشغول بالها طول هالشهرين وتفكر في حسين


(( حسين مو غلطان اني غلطانه ليش سويت ليه جدي!! ))


دخلت الفيسبوك وشالت البلوك وطرست ليه مسج:



❤ فراقك اصعب فراق مرعليي ~



غيابك يجيب لي ششعور م اقدر اوصفهه



و ودي اموت و م اعيش ف لحظه غيابك ~



الششوقق م ليه حل غير القاك



لين شفتك بلمك باحضانني ❤



حسين: ويش إلي ذكرش فيني ؟
سارة: حسين والله ماغبت عن بالي طول هالشهرين ،، اني كنت واجد معصبه وحطيت اللوم عليك واني غلطانه ،، حقك عليي سامحني
حسين: اها
سارة: امممم شخبارك
حسين: الحمدلله
سارة: دوم
حسين: آجمعين
سارة: وحشتني سواليفك ،، سولف وياي
حسين: ماعندي شي اقوله
سارة: اوكي اني بسولف عجل
حسين: اوكي
سارة: امس رحت براده وفي جلب لحق ورايي ،، تالي ركضت ودخلت البيت بسسررعه ،، بغييييت اموت من الخوف
حسين: هه
سارة: !!
حسين: ؟
سارة: شفيييك تتكلم وياي ببرود جدي!! ماوحشتك يعني؟! حسين: مادري منهو إلي عطاني بلوك شهرين ولا سأل عني وانا ماسويت شي غلط
سارة: حسين افهمممني كنت معصبه وااااجد ،، سامحني
حسين: اوكي بحاول انسى غلطتش
سارة: امم ماوحشتك؟
حسين: سارة انا كل يوم ضايق خلقي ولا اكلم احد وخايف عليش واجد وكلا احاتيش وحاولت اكلمش واتصلت لش واجد ولا رديتين
سارة: لهالدرجة تحبني ؟
حسين: اي بس انتين ماتحبيني ولا اهتميتين ،، جان ع اقل رديتين على اتصالاتي
سارة: اسسسفففه قولي شسوي عشان تسامحني قووول :'(؟
حسين: اتصلي لي وغني ليي xP
سارة: لحظه
راحت سارة انخشت في حجرة امها: الوو حسون
حسين: وحشششني هالصوت ♡
سارة: فدييتك
حسين: يلا غني
سارة خذت نفس وبدت:



ماتسوى مني تزعل



ولا تسوى منك ازعل



ولا يسوى الي صار يا حبيبي



اصبر انت علي يا اقرب لي من حبل الوريد



حبك بالنسبة لي حظ ونصيب



اسفه حسون..



دخل عليها اخوها محمود: حسون !!!!
شهقت سارة خايفه يفترقون مرة ثانيه: محمود الله يخليك
محمود: انننجججببي يا قلييلة الحياء
دخلت ام سارة: يا ربي ويش مسويه بعد
محمود: الكلب اشرف من بتش الوصخه
فتحت سارة عيونها بصدمه ....!
محمود كمل كلامه: من صبي الى صبي هذاك في الفيسبوك وهذا في تلفون
ام سارة: الله ياخدش ويفكني من مشاكلش يا ام صبيان يا حقيرة ياليت ماولدتش ياليت من ولدتش انولد وياي هم


سارة تحطم قلبها من كلماتهم :


(( اني ماسويت جريمه ولا طرشت ليه صورتي عشان يقولون عني وصخه وام صبيان!!!! ))



ضلت الليل طوله تصيح وتذكر كلام امها وماقدرت تنام من التفكير وقسوة اخوها وامها


(( بريحكم مني دام من ولدتوني انولد وياكم الهم // كونو سعيدين لأني رحلت ولن ارجع))



طلعت سارة من حجرتها وتحس انها تمشي وارجولها مكسورة وتتألم كل ما مشت بسبب ضرب اخوها ......
دخلت غرفت امها وطالعت امها وهي نايمه وعيونها تدمع
اخذت المفتاح وطلعت من البيت وتركت رسالة عند باب البيت
(( ليرحل معي الهم الذي انولد فيكم // كونو سعيدين لأني رحلت ولن ارجع ))



ضلت تمشي في شارع وتصيح ماتدري وين تروح
جت سيارة كلها صبيان وقفو صوبها: الحلوة وين رايحه
صبي ثاني: تعالي بنوصلش البيت
مشت عنهم ولحقوها وخافت وقامت تركض ودخلت زرانيق عشان تضيعهم
طلعت تلفونها تمبي تشوف ساعة جم وبند مافيه جارج


(( يا رربي ضعت مادري وين اني ويش اسوي الحين وتلفوني بند مابقدر اتصل لأحد ))


شافت تلفون الي في شارع وراحت كتبت رقم وطلع غلط
وحاولت قد ماتقدر تذكر رقم حسين
تالي حاولت ولا تذكرته ..
تالي يئست وكتبت رقم وطلع صح D: !!
وضل يرن وانقطع
وردت اتصلت وانقطع
وردت اتصلت وشاله وباين في صوته انه كان نايم: الوو من
سارة بصياح: حسسييين اني ضاايعه ساعدني
حسين فز قلبه: ساااارة!!
سارة بصياح: سسساعدنني حسين
حسين: اهدئي عمري واوصفي لي مكانش
سارة: في مقبره صوب التلفون ،، حدي خايفه في صبيان لاحقوني حسين تعال لي عاد
حسين: عمري خلش ع خط بتصل لاختي بخليها تجي لش وتوديش شقتها


وبعد ربع ساعة.....


جت سيارة صوب سارة وطلعت بنية من سيارة تقريبا عمرها 25-27: تفضلي السيارة لا تخافين مابآذيش
دخلت السيارة وسالتها: ويش اسمش؟
سارة: سارة
جاوبتها: عاشت الاسامي واني فاطمة
سارة: اممم انتين اخت حسين صح
فاطمة: اي ،، جهزت لش غرفه ويا بتي كوثر (عمرها 3) ونامي وارتاحي وباجر فهميني سالفتش
سارة: ان شاء الله
وصلت الشقه وراحت نامت..

قعدت سارة على الساعة 11:45 من النوم وهي حدها تعبانه و كانت متضايقة وتذكر الي صار ذيك اليلة وي اهلها شافتها فاطمة
فاطمة : ها حبيبتي ارتحتين ف النومة ؟
سارة : ايهه مشكورة بس متضايقة ،، تخيلي اهلي ما يبوني و اخويي ضربني لما شافني اكلم حسين و فهم غلط و امي اتقول اني ام صبيان L
و ضربني اخوي ضرب و امي تقول لوزين ما ولدتني وجبت ليهم الهم ,, طعنتي بكلام و اشواك ف قلبي و تتمنى ان اني مو بتها فـ هربت من البيت عشان اريحهم
فاطمة : سارة امش مو قصدها ،، من زود عصبيتها قالت هالكلام و لازم انتين ماتتصرفين بهالاسلوب وتطلعين من البيت ،، امش مو قصدها والحين امش اكيد خايفه وتصيح خايفه ان فيش شي
سارة: امممم والحين ويش اسوي
فاطمة: لازم العصر ارجعش بيتكم وتعتذرين لأمش
سارة: بس مابيخلوني اكلم حسين
فاطمة: حسين اهم من امش؟؟؟!!
حسين بس يكلمش ويحبش ويعطيش اهتمام ويساعدش
بس امش ربتش وعلمتش ووقفت جنبش من صغرش لين كبرتين وماابتعدت عنش ولا لحظه ومن زود حبها لش لو رحتين ليها البيت الحين بتستانس واجد وواجد تخاف عليش بعد
واخوش يخاف علش يمكن هذا الصبي مو زين وبعد صبيان هالزمن كلهم يقصون على البنات
سارة: بس اخوي في كل شي يقول اني غلط
فاطمة: جم عمره اخوش؟
سارة: 31 سنة
فاطمة: حبيبتي اخوش كبير وعاش في زمن مافيه حب ومراهقه ويعتبرش جاهله للحين ماتتحملين المسوؤلية
اني بوديش العصر بيتكم واعتذري لأمش واخوش واني بكلمهم وبنصحهم وبقول ليهم انش تأثرتين واجد من كلامهم وتصرفتين بدون تفكير
ابتسمت سارة: شكرا ماتقصرين
فاطمة: يلا قومي نصلي وتالي ألعبي ويا كوثر وبعدين بحط الغدا
سارة: ان شاء الله


قامت سارة تصلي ودعت لربها أن تنحل الأمور ..
راحت تلعب ويا كوثر واستانست وياها وبعدين قامو تغدو


والعصر....


سارة: خيو عادي اطلب طلب بس ماترديني ؟
فاطمة: تفضلي حبيبتي
سارة: اني تلفوني خلص جارجه والحين قمت ادوره وضاع من عندي ،، عادي اكلم حسين من تلفونش ؟
فاطمة: اي عادي حبيبتي ،، اخذي تلفوني حطيته في المطبخ على الكرسي
سارة راحت اخذت التلفون ودخلت الواتساب وكلمت حسين: حبيبي !!
حسين: بااااااااااااااال اول مرة اختي تقول لي حبيبي، اكيد مصلحه xD
سارة: هههههههههه اني سارة !!
حسين: بلا شلخ زايد
سارة: يوو شكلي غلطانه في رقم
راحت سارة لفاطمة: يووو كلمت صبي في واتس عبالي حسين
طالعت فاطمة محادثة وضحكت: يفكرني اني اتكلم
سارة كتبت لحسين: حسين يا حمار اني سارة اتكلم من تلفون اختك
حسين: وانا شدراني جان قلتين من البداية
سارة: حبييييييييت اختك واجد وااجد
حسين: ههههههههه وكوثر ؟
سارة: ايييي قعدت ألعب وياها حدها كيوت
حسين: عجل الحين بجي بودي كوثر وياي الحديقه وانتين تعالي ويانا
سارة: اوكي !!
حسين: روحي قولي لأختي تجهز كوثر وطلعي انتين وياها برا الحين انا جاي ليكم


راحت سارة ويا كوثر برا عند باب الشقة وجه ليهم حسين وسارة منزله راسها مستحيه
وتمشو صوب بعض ووصلو الحديقه وراحت كوثر تعلب في مرجحانه
حسين: سارة طالعي عيوني
رفعت سارة عيونها وهي تعض شفتها مستحيه
حسين طالع عيونها: احبش !!
سارة طااااااااااااااارت من الفرررح: اني بعد احبك !!



(( نروح نشوف حاله ام و اخو سارة ))



ام سارة من قعدت من نومها ومالقت سارة قامت تصيح وارتفع عليها السكري وتعبت واجد وضلت تحاتي بتها وتدعي انه ماصار ليها شي
ومحمود دور في كل مكان ولا حصلها
من الصبح للعصر يدور عليها وما ارتااح ولا لحظه
والعصر راح الحديقة.................لااااااااا!!!!!!!!!!!!!
شاف اخته ويا صبي يضحكون وسط الحديقة ويمشون صوب بعض !!!!!!!!!!!!!!!!!!!
هذي اختي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راح بإنفعااال كبير وسسحب اخته من ايدها: شسسوين اهني!!
وحط ايده على رقبتها وضغط عليها بقوة: حقييررةة تعالي شوفي حاله امي !!
سارة: محمود شيل ايدك عني ماقدر اتنفس عدل
محمود: عسسساااش الموت
جه حسين وباعد محمود: اخوي خلنا نتفااهم الضرب ماينفع
محمود دز حسين على جدار وتفل عليه وضربه على صدره: سااااافل ماتتسسستحي انت ماعندك خوات تخاف عليهم!!!
حسين: اخوي شيل ايدك عني وخلينا نقعد ونتفاهم
محمود: اسسسكت يا حيوان !!
تنهد حسين: صدقني مابيضرك شي اذا تناقشنا بهدوء !! الضرب والسب مابينفع !!
راحو قعدو في كرسي وتناقشو واعتذر ليه حسين وفي نهاية: اخوي تسمح اروح اكلم سارة شوي ؟
محمود: اوكي حدك دقيقتين بس شوف اذا مرة ثانيه شفتها تكلمك قسم بالله بخليك تندم وبذذببحها !!
راح حسين لسارة: سارة عمري
سارة بخوف: شقال لك اخوي !!
حسين: مو مهم ،، بس بقول لش شي لمصلحتنا
سارة بخوف: شصاير !
حسين: لا تكلميني ولا بكلمش وخلاص انسيني
سارة: انساك !! نسيانك محاال
حسين: حبيبتي خلاص انسيني
سارة: تقول لي انساك ليش ؟!! شمسويه لك اني !! لو تحبني جان وقفت كل شخص يعترض طريقنا عشان بس تاخذني
حسين: سارة بصارحش بشي
سارة: شنو
حسين: انا احب وحده غيرش !! وانا اجذب علييش واقص عليش !! والحين جاي ألعب عليش عشان استانس !! انا ما عمررررررري حبييييتش !!!!!!
سارة بصدمة: ماعمرك حبيتني ؟
حسين: اي ماحبش انا !! خلاص تباعدي عن طريقي J
سارة: لا احبك مابتركك لو مهما سويت فيني !!
حسين : اتركيني ما دمت خائنًا J
جه محمود واخذ سارة وركبها السيارة وقام يصارخ عليها وسارة تصيح صياح من القلب
(( آه ليش سويت فيني جدي يا حسين ،، ماعمرك حبيتني !! حطمت قلبي 3/> ))
دخلت البيت وحضنت امها وهي تصيح وقامت تعتذر لأمها
ومرت الأيام وهي حالتها تصيح وتنام ولا تكلم احد
وقعدت تفكر ليش احب واحد قص علي ؟ اصيح ونهاية صياحي ويش بستفيد ؟
وقالت انها بتحاول تنسى حسين
وصارت تحاول تقعد ويا امها وتسمع سوالفها
حاولت تبتعد عن الحزن وكل شي يتعلق في حسين


ومرت الأشهر وراحت ثالث ثانوي وصارت تهتم لدراستها ووعدت امها انها تتفوق
وصارت شاطرة وكل معلمات يحبونها وعندها اصدقاء واجد
وفي امتحانات النهائية صارت امها تدعي ليها وتستانس لين تشوف بتها ماسكه الكتاب وتراجع
و الحمدلله ..|~
قدمت امتحاناتها وهي متفائله وعندها امل بالتفوق
وحتما...!
تفوقت وفرحت امها كثيرا ،، وسوت ليها امها حفلة صغيره في البيت وعزمت صديقتها
وبعد جم شهر ....


راحت ام سارة لبتها الغرفه وهي مترددة: سارة عندي مفاجاة حليو بس المشكلة اخوش مو موافق عليها
سارة: تفضلي اماه
ام سارة: اخاف يا بتي تتضايقين واجد
سارة: اماااه يلا قولي
ام سارة: اممم حسين تقدم لش ويمبي يتزوجش
سارة فتحت عيونها بفررررح وقامت فوق السرير تناطط: شششففتووون هوو يحببببني مايقص عليي
ام سارة عورها قلبها: بس يا بتي اخوش مو راضي وطرد حسين واليوم بجي واحد اسمه عبدالله حق مقابله
سارة: شلووون!! هذه حياتي اني حره فيها واني إلي اختار شريك حياتي !!!!!!!!!!!!!!!
ام سارة: بتي اسمعي كلام اخوش هو يعرف مصلحتش
سارة وهي تشهق: مصصلحه شنوو !! مو على كيفه يتحكم في حياتي
ام سارة: ما باليد حيلة ،، اخليش حق تجهزين روحش لليلة


دخلت سارة المجلس ونفسيتها زفت وصوتها فيه بحه وعيونها تحتها سواد: سلام
عبدالله: وعليكم السلام
ضلو مدة ساكتين
عبدالله: اممممم بعرفش على نفسي ،، عمري 26 ودارس في جامعة خمس سنوات ماخذ هندسة معمارية واشتغل مهندس
ضلت سارة ساكت...!!!
تعجب عبدالله من امرها: خيو فيش شي ؟
سارة: سلامتك
عبدالله: ماعرفتيني على نفسش ومواصفات إلي تمبينها وماقلتين لي شي
سارة: امم اوكي موافقه
عبدالله انصدم: نعم !!
سارة بشويه عصبية: موافقه على زواجنا !!
عبدالله: وشفيش تصارخين علي تعالي كليني بعد !! ليكون جابرنش تتزوجيني !!
سارة بعصبية وصوتها فيه صياح: ايييي جااابريني عليييك !
عبدالله: ومن إلي جبرش ؟!
سارة: اخوي
عبدالله: ليش ؟
سارة: اخوي بكون صريحة وياك بس امبيك تساعدني
عبدالله: تفضلي
سارة: اني احب واحد تقدم لي واخوي مو راضي وهو يتحكم في حياتي والحين انت تقدمت لي وغصبوني اتزوجك ،، واني ماقدر اتزوجك لأني مستحيل أحبك
عبدالله بتفهم: اوكي الحل عندي
طلع عبدالله من المجلس وراح لمحمود: اممم للأسف ماعجبتني ومو موافق عليها ،، مسامحة على ازعاج ..!!


ومرت الأشهر وسارة على طول تفكر في حسين
دخل عليها محمود الحجرة: اليوم بيجون اصدقائي البيت امبيش تلبسين ثياب حليوة وتسوين حلاوة وتدخلين الممجلس عشان ينعجبون فيش وتتزوجين لاتضلين لينا عانس
سارة: ان شاء الله


راحت المطبخ وسوت حلاوة وهي تفكر :
(( لهالدرجة اني مثقله عليهم ؟!! ))
وكملت من الحلاوة ولبست ثياب حليوين وشيلة وردية وراحت المجلس وسلمت وحطت الحلاوة وطلعت


والصبيان لما بيمشون في واحد راح لمحمود: قوة خوك
محمود: الله يقويك ،، آمر
جعفر: هههه بصراحة عجبتني اختك وامبي اتقدم ليها
محمود بفرح: اوكي حبيبي


دخل محمود حجرة سارة: هكو رفيقي جعفر تقدم لش عمره 29
سارة: فرق بين عمري وعمره كبييير !!
محمود: والمطلوب ؟
سارة: مابي اتزوج واحد اكبر مني بـ9 سنوات
محمود: تتزوجينه غصبن عنش !!
سارة: محمود .. خاطري يوم واحد تسمع كلامي وتطاوعني ،، كلا تحسسني اني مثقله عليكم ،، و بعد هذي حياتي الزوجيه واني من حقي اختار شريك حياتي واني للحين متعلقه في حسين ماقدر انساه
محمود: بس انا طردت حسين جيفه ارجعه لش !!
سارة: اممم عندي رقم اخته وخلي امي تعتذر ليهم وهم بيفهمون قصدنا ويمكن يتقدم لي
محمود: اعطيني رقم اخته وتالي بفكر


ومرت الأيام وللحين مافي خبر...
دخلت ام سارة وهي مستانسه: لووولولولولووي افضل الصلاة والسلام عليك يا حبيب الله محمد
سارة اخترعت: اماااااه ويش صاايوور
ام سارة: ألف مبارك عليش حبيبتي
سارة: اماه ويش صاير
ام سارة: الليلة حسين بجي لش
سارة بصرااخ : امااااااااااااه صصصدددق !!
وراحت حضنت امها وهي تصيح من الفرح
وراحت تكشخت ولبست احلى لبس وشافت اخوها محمود وحضنته وشكرته
في هاللحظه ..!
ندم محمود لانه كان واجد يضغط على سارة وهذي اول مرة يشوفها مستانسه جدي


دخلت المجلس ومن فرحها كانت بتحضن حسين وحسين ضحك عليها : وحشتيني
سارة ودموع الفرح تطيح : انت اكثر حبيبي
حسين: انا اسف
سارة: ليش!!
حسين: لما قلت لش احب وحده غيرش كنت اجذب بس عشان تنسيني L
سارة: ماعليه لا تفتح الجروح
حسين: وقمت ادور شغل عشان اتقدم لش بس اخوش ماوافق عليي


سارة: انا لك J؟
حسين: وانتي لي ♥
سارة: مايفرقنا J؟
حسين: إلاا الموت ♥


في صباح يوم جديد ~



يوم جميل ومليئ بالسعادة



يوم سيحدد مصير حسين وسارة





دخلو مستشفى وراحو يشوفون نتيجة فحوصاتهم

الممرضة : سارة و حسين للاسف النتيجة كانت مو متطابقة و انتون ما تناسبون بعض
لما سمعو انصدمو و بانت في ملامحهم الحزن
سارة كانت تدمع و في قلبها كلام واجد
(( اهلي ما رضو بلغصب و في هذي اللحظه طلعنا ما ناسب بعض ،، ليششش ليش اني جدي و حياتي معقدة و ماعندي حظ ليششش ))
حسين كان يطالع سارة و يقول (( شلون انا متاكد ان الموضوع غلط ))

لآيستطِيع أن يتزوجها ولآ يقوى فرآقها يحبها حد الموت وَيرفضهُ القدر .. !

بعد ثواني جت الممرضة بسرعه اتقول : اوه بلغلط عطيناكم نتيجة لناس غير و انتون تناسبون بعض .. الله يوفقكم J
بعد م كانت سارة ف دوامه حزن هي و حسين
اقتحم ف قلوبهم الفرح
و شوي و اتصفق سسارة من الفرح
و حسين حمد ربه و هو مستانس...........

في دروب الحب لقيت العتاب



في دروب الحب لقيت العتاب

و انكتب قصة حب بين احلى اثنين

وعمري ابتدء فيه الغرام

واحضرت جواهر لأحلى قصيد


تحياتي: нαωяα αℓ-αℓмσѕαωι

تم تحريره من قبل hawra almosawi في 26-08-2013 عند05:44 AM

أخبر المشرف عن هذا الرد | مشاهدة ip

hawra almosawi غير متصل
Old Post 26-08-2013 05:39 AM
اضغط هنا لرؤية هوية العضو  hawra almosawi اضغط هنا لارسال رسالة خاصة الى العضو hawra almosawi تفضل بزيارة صفحة  hawra almosawi شاهد مشاركات العضو  hawra almosawi أضف  hawra almosawi لقائمة الأصدقاء تحرير/حذف رسالة رد بإقتباس

hawra almosawi
عضو يديد

تاريخ التسجيل: Aug 2013
رقم العضوية: 39448
البلد:
عدد المشاركات: 2
معدل المشاركات/يوم: 0.00

حقوي مافي تفاعل ؟

أخبر المشرف عن هذا الرد | مشاهدة ip

hawra almosawi غير متصل
Old Post 29-08-2013 04:16 AM
اضغط هنا لرؤية هوية العضو  hawra almosawi اضغط هنا لارسال رسالة خاصة الى العضو hawra almosawi تفضل بزيارة صفحة  hawra almosawi شاهد مشاركات العضو  hawra almosawi أضف  hawra almosawi لقائمة الأصدقاء تحرير/حذف رسالة رد بإقتباس
توقيت المنتدى بتوقيت جرينتش . الساعة الآن 08:09 PM.   
  الموضوع السابق   الموضوع التالي أضف ردا على هذا الموضوع
شاهد صفحة الطباعة | أرسل هذه الصفحة بالبريد | الاعلام البريدي في حالة وجود رد جديد

الانتقال السريع :
 

قوانين المنتدى :
notتستطيع كتابة موضوع جديد
notتستطيع كتابة رد جديد
not تستطيع إرسال مرفقات جديدة
not تستطيع تعديل مشاركتك
HTML شفرات :معطلة
vB شفرات : مفعلة
الابتسامات : مفعلة
شفرات الصور : مفعلة
 

< راسلنا - منتدى شبكة الدراز الشاملة >

Powered by: vBulletin Version 2.2.9
Copyright ©2000, 2001, Jelsoft Enterprises Limited.
جميع الحقوق محفوظة لشبكة الدراز الشاملة